Saturday, 24 February 2018
Mass readings in Scots: Second Sunday of Lent (Year B)
Mark 9: 2-10
Ande eftir sex dais Jesus tuke Petir, and James, and Johnne, and led thame be thame self alaan into ane hie hill; ande he was transfigurit before thame. And his clathis war made ful schynyng, and quhyte as snaw; quhilk maner quhite clathis a fullare (or walcare) may nocht mak on erde. And Helie with Moyses apperit to thame: and thai spak with Jesu. And Petir ansuerd and said to Jesus, "Maistir, it is gude vs to be here and mak we here thre tabernacilis; aan to thee, aan to Moyses, and aan to Helie." For he wist nocht quhat he sulde say; for thai war agast be drede. And thar was a cloude made ouerschaddowing thame and a voce com out of the cloude, and said, "This is my maast dereworthe sonn: here ye him." And anon thai beheld about, and saw na maire ony man, bot Jesus aanly with thame.
And quhen thai com doun fra the hill, he comandit thame that thai suld nocht tell to ony man
tha thingis that thai had sene, bot quhen mannis sonn has risen agane fra deid. And thai held the word at thame self, seking quhat this suld be, quhen he had risen agane fra deid.
[From The New Testament in Scots Murdoch Nisbet [c.1520] (1901) vol 1 here]