Saturday 12 May 2018

Mass readings in Scots: Seventh Sunday of Easter (Year B)


Gospel reading
John 17: 11-19

[Jesus liftit up his een aboon and said:]
"Faither aye holie!
keep by thy ain name’s micht a’ thou gi’est me,
that they may be ane, e’en as we are ane!
The time I was wi' them i’ the warld,
I keepit them i’ thy name;
thae thou gied me I keepit, and nane o’ them is tint,
savin only the son o’ the pit:
that the Scriptur micht be carry’t oot.
And noo, hame to thee come I!
And a' thir things I speak i’ the warld,
sae as my joy micht come to pass in them.
Thy word hae I gien them;
and the warld has ill-wulled them,
for that they arena o’ the world’s ain:
e’en as I am-na o’ the warld’s ain.
I pray na they soud be taen oot o’ the warld,
but that thou keep them frae the ill o’t.
For they are na o’ the warld’s ain,
e’en as I am-na o’ the warld’s ain.
Consecrate them throwe thy truth;
thy word is truth.
As thou did pit me intil the warld,
e’en sae hae I putten them intil the warld.
And for them I consecrate mysel,
that eke they soud be consecrate i’ the truth."

[From The New Testament in Braid Scots William Wye Smith (1904) here]

No comments:

Post a Comment