Saturday 27 October 2018

Mass readings in Scots: Thirtieth Sunday of the Year (Year B)

Gospel reading
Mark 10: 46-52

And they cam tae Jericho; and as he gaed oot o’ Jericho wi’ his disciples and a hantle o’ folk, the son o’ Timeus, blin’ Bartimeus, the beggar, was sittin by the way. And whan he heard it was Jesus o’ Nazareth, he begude to cry oot, “Jesus, thou Son o' Dauvid! hae thou mercy on me!” And mony flytit on him, that he sud be quate. But he cry’t sae muckle the mair, an unco deal, “Thou Son o’ Dauvid! hae mercy on me!” And Jesus stude still, and said, “Ca' ye him !” and they ca’d the blin’ man, sayin, “Cheer up! Rise! He's ca’in ye!” And he, thrawin aff his manteel, sprang up, and cam to Jesus. And Jesus, answerin him, says, “What wad ye that I soud do till ye?” And the blin’ man said, “Lord! that I may hae my sicht!” And Jesus said to him, “Gang yere ways! yere faith has made ye hale!” And forthwith he gat his sicht, and follow’t Jesus.

[From The New Testament in Braid Scots William Wye Smith (1904) here]

No comments:

Post a Comment